ଭୁବନେଶ୍ୱର: ଚଳଚିତ୍ର ‘ଆନିମଲ୍’ର ସଫଳତା ପରେ ‘ରାମାୟଣ’କୁ ନେଇ ଚର୍ଚ୍ଚାରେ ଅଛନ୍ତି ରଣବୀର କପୁର । ବର୍ତ୍ତମାନ ସେ ଏହି ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି। ଦୁଇଟି ଭାଗରେ ନିର୍ମିତ ହେବାକୁ ଯାଉଛି ଫିଲ୍ମ ‘ରାମାୟଣ’ । ଏହି ଫିଲ୍ମକୁ ନେଇ କ୍ରମାଗତ ଭାବେ ଅପ୍ଡେଟ ମଧ୍ୟ ଆସୁଛି।
ବର୍ତ୍ତମାନ ‘ରାମାୟଣ’କୁ ନେଇ ଏକ ନୂତନ ଅପ୍ଡେଟ୍ ସାମ୍ନାକୁ ଆସିଛି, ଯାହା ଫିଲ୍ମକୁ ଅପେକ୍ଷା କରିଥିବା ଦର୍ଶକଙ୍କ ଉତ୍ସାହକୁ ଦ୍ୱିଗୁଣିତ କରିବାକୁ ଯାଉଛି। ଖବର ଅଛି ଯେ ରଣବୀର କପୁର ‘ରାମାୟଣ’ରେ କେବଳ ରାମ ଭୂମିକାରେ ଅଭିନୟ କରିବେ ନାହିଁ ବରଂ ଅନ୍ୟ ଏକ ଭୂମିକାରେ ମଧ୍ୟ ଅଭିନୟ କରିବେ। ଏହା ବ୍ୟତୀତ ମଧ୍ୟ ଫିଲ୍ମରେ ଏଣ୍ଟ୍ରୀ କରିଛନ୍ତି ଅମିତାଭ ବଚ୍ଚନ ।
ସୂଚନା ଅନୁସାରେ ରଣବୀର ‘ରାମାୟଣ’ରେ ପ୍ରଭୁ ରାମଙ୍କ ଭୂମିକା ସହିତ ପର୍ଶୁରାମଙ୍କ ଭୂମିକାରେ ଅଭିନୟ କରିବେ। ‘ରାମାୟଣ’ରେ ପର୍ଶୁରାମଙ୍କ ଭୂମିକା ମଧ୍ୟ ଗୁରୁତ୍ୱପୂର୍ଣ୍ଣ। କୁହାଯାଉଛି ଯେ ଏହି ବିଶେଷ ଚରିତ୍ରରେ ରଣବୀରଙ୍କ ଲୁକ୍ ଖୁବ ଅଲଗା ଏବଂ ଦେଖିବା ଯୋଗ୍ୟ ହେବ। ଏହି ଫିଲ୍ମରେ ରଣବୀର ଏବଂ ସାଇ ପଲ୍ଲଭୀଙ୍କ ସହ ଅମିତାଭ ବଚ୍ଚନଙ୍କୁ ମଧ୍ୟ ଦେଖିବାକୁ ମିଳିବ। ବିଗ୍ ବି ଶେଷ ଥର ପାଇଁ ‘କଳ୍କୀ ୨୮୯୮ ଏଡି’ ପ୍ରଭାସ ଏବଂ ଦୀପିକା ପାଦୁକୋନଙ୍କ ସହ ନଜର ଆସିଥିଲେ। ସେ ଅଶ୍ୱତ୍ଥମା ଭଳି ଚରିତ୍ରରେ ଅଦ୍ଭୁତ ପ୍ରଦର୍ଶନ ସହିତ ସମସ୍ତଙ୍କ ହୃଦୟ ଜିତିଥିଲେ। ତେବେ ବର୍ତ୍ତମାନ ‘ରାମାୟଣ’ରେ ଏକ ବିଶେଷ ଭୂମିକା ପାଇଁ ଅମିତାଭଙ୍କୁ ଚୟନ କରାଯାଇଛି।
କୁହାଯାଉଛି ଯେ ମାତା ସୀତାଙ୍କୁ ଅପହରଣ କରିବା ବେଳେ ରାବଣ ବିରୁଦ୍ଧରେ ସାହସର ସହ ଯୁଦ୍ଧ କରୁଥିବା ଜଟାୟୁର ସ୍ୱର ଦେବେ ବିଗ ବି । ତେବେ ଭିଏଫ୍ଏକ୍ସ ବ୍ୟବହାର କରି ଜାଟାୟୁର ଚରିତ୍ରରେ ନିର୍ମାତା ଅମିତାଭନ୍କ ଆଖି ସ୍କାନ କରିବେ ବୋଲି ଶୁଣିବାକୁ ମିଳୁଛି |